Shpallen çmimet fituese në konkursin e pikturës
Çmimet fituese të konkursit të pikturës me temë “Stambolli i ëndrrave të mia” i organizuar nga Instituti “Yunus Emre” Shkodër u shpallën më 17 Dhjetor në ceremoninë e shpërndarjes së çmimeve në ambientet e Galerisë së Arteve të Shkodrës.
Projekti i organizuar nga Instituti “Yunus Emre” Shkodër, i mbështetur nga institucionet si: Bashkia e Stambollit, Bashkia Uskudar, Bayrampasa dhe e Shkodrës, Ambasada Turke në Tiranë, Ministria e Kulturës e Republikës së Shqipërisë, Universiteti i Shkodrës, Turkish Airlines; pati si qëllim rritjen e ndërveprimit kulturor mes dy vendeve dhe përftimin e veprave origjinale në artin e pikturës.
Në kategorinë e shkollave të mesme (15-18 vjeçarë) fitues u shpallën:
Çmimi i parë: Eogers Grami
Çmimi i dytë: Irida Osja
Çmimi i tretë: Xhulian Millaj
Në kategorinë e studentëve (19-23 vjeçarë) fitues u shpallën:
Çmimi i parë: Stivio Thomo
Çmimi i dytë: Arlind Kotrri
Çmimi i tretë: Erion Demnushaj
Në kategorinë e profesionistëve (mbi 24 vjeçarë) fitues u shpallën:
Çmimi i parë: Helidon Haliti
Çmimi i dytë: Emirjam Shurdha
Çmimi i tretë: Alkida Bosnjaku
Çmime këta të cilat u dorëzuan nga anëtarët e jurisë Prof. Süleyman Saim Tekcan, Drejtor i Galerisë së Arteve në Tiranë z. Artan Shabani dhe Prof.as.dr. Ikbale Kalaja (Bushati).
Në ceremoninë e çmimeve morën pjesë Zv. Ambasadore e Turqisë në Tiranë Znj. Gül Sarıgül, rektori i Universitetit “Luigj Gurakuqi” Prof.dr. Adem Bekteshi, kryetar i këshillit të Bashkisë Shkodër Z. Xhemal Bushati, akademikë, drejtorë të shkollave të mesmë të qytetit, përfaqësues të organizatave joqeveritare dhe mjaft artdashës.