Projekti “Paqe e dashuri për të gjithë” në stacionin e tij të dytë, në Shkodër…
Më datë 03 shtator 2021, qytetarët shfaqën shumë interes për programin e zhvilluar në Shkodër, në rrugën 13 Dhjetori, përballë Bashkisë Shkodër.
“Karagoz-Hacivat”, një nga pjesët e pazëvendësueshme të teatrit tradicional turk dhe shfaqje të teatrit me kukulla u performuan nga Abdülaziz Öktem dhe Faruk Karagül.
Pedagogu Murat Yılmaz dhe Nagehan Caner zhvilluan veprimatri duke aplikuar përmes artit Ebru filozofinë “4 Dyer 40 Grada”, ku përcollën hollësitë e artit tradicional të Ebrusë duke u ofruar mundësinë ta provonin atyre që dëshironin.
Artistja e rruazave të qelqta; Kadriye Yorulmaz formoi objekte qelqi në zjarr dhe ua dhuroi miqve pjesëmarrës në aktivitet.
Krahas performancës teatrale dhe arteve tradicionale turke, Arslanbek Sultanbekov, i cili kombinoi ilahitë e poetit të botës turke Yunus Emre me muzikën e Azisë së Mesme; u shoqërua nga artisti i Institutit; Alper Tuna që përziu këngët popullore të Anadollit me ato ballkanike duke i dhuruar publikut pjesëmarrës një atmosferë unike muzikore.
Gjithashtu përgjatë rrugës u hap ekspozita “Të duam e të duhemi” me përmbajtje thëniet e Yunusit.
Meqenëse viti 2021 është Viti i Yunus Emre dhe Turqishtes, aktiviteti u përmbyll me poezi të përzgjedhura të Yunus Emre që përmbajnë mesazhe universale për njerëzimin.